त्रिभाषा धोरणाच्या डॉ. जाधव समितीची आज पहिली बैठक

त्रिभाषा धोरणाच्या डॉ. जाधव समितीची आज पहिली बैठक

मुंबई, ता. १६ : राज्यातील सरकारी, अनुदानित शाळांमध्ये त्रिभाषा धोरणाच्या अंलबजावणीसाठी शालेय शिक्षण विभागाने स्थापन केलेल्या डॉ. जाधव समितीची पहिली बैठक बुधवारी (ता.१७) आयोजित करण्यात आली आहे. पुणे विद्यापीठाचे माजी कुलगुरू, अर्थतज्ज्ञ डॉ. नरेंद्र जाधव यांच्या अध्यक्षतेखाली ३० जून रोजी शालेय शिक्षण विभागाने समिती स्थापन केली होती. त्यानंतर दोन महिन्यानंतर समितीसाठी सुधारीत आदेश पारित करून ५ सप्टेंबरला नवीन ७ सदस्यांची नियुक्ती करण्यात आली होती, त्यानंतर या समितीची ही पहिलीच बैठक असून यात समितीच्या एकूण कामकाजासोबत समिती आपला आराखडा स्पष्ट करणार असल्याचे विभागातील उच्चस्तरीय अधिकारी सूत्रांकडून सांगण्यात आले. तसेच समितीचे अध्यक्ष डाॅ. नरेंद्र जाधव पहिल्यांदाच माध्यामासमोर यासंदर्भात आपली बाजू मांडणार असल्याचे सांगण्यात आले आहे.