तलासरी, ता. १७ (बातमीदार) : चालकाला मारहाण करून टेम्पो चोरी करणाऱ्या एका संशयित आरोपीला अटक करण्यात तलासरी पोलिसांना यश आले आहे. पोलिसांनी त्याच्याकडून टेम्पो हस्तगत केला असून डहाणू न्यायालयाने त्याला पोलिस कोठडी सुनावली आहे. अन्य संशयितांचा शोध सुरू आहे.
चालक रामआश्रम मंगु यादव यांना टेम्पो भाड्याने घेऊन साबणाची वाहतूक करायची असल्याचे सांगून ७ सप्टेंबर रोजी काही व्यक्तींनी बोलावून घेतले. चिंचोटी येथून टेम्पो घेऊन जात असताना मौजे मनोरजवळ संशयित आरोपींनी यादव यांना दारू भरून भिलाडपर्यंत नेण्यासाठी जबरदस्ती केली, मात्र त्यांनी नकार दिल्यानंतर मारहाण करत टेम्पोचा ताबा हिसकावून घेतला. त्यानंतर त्यांना कारमधून गुजरातकडे नेले, मात्र अंधाराचा फायदा घेऊन ते निसटले. त्यांनी या घटनेची माहिती टेम्पोच्या मालकाला दिली. त्यानंतर तलासरी पोलिस ठाण्यात गुन्हा दाखल करण्यात आला.
तपासादरम्यान पुरावा अथवा आरोपींचे ठोस वर्णन नसतानाही तांत्रिक विश्लेषण व गोपनीय माहितीच्या आधारे पोलिसांनी स्वप्नील मधुकर दुमाडा (रा. उसगांव बंधारा, ता. गणेशपुरी, जि. ठाणे) याला मंगळवारी (ता. १५) ताब्यात घेतले. चौकशीत त्याने गुन्ह्याची कबुली दिल्यानंतर त्याला अटक करण्यात आली. उर्वरित संशयित आरोपींचा शोध सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.