पालघर, ता. १७ (बातमीदार) : समृद्ध पंचायतराज अभियान गावोगावी विकासाचे नवे दालन खुले करणारे आहे. चहाडे ग्रामपंचायतीने दाखवलेला उत्साह व कामाची पद्धत पाहता नक्कीच विविध स्तरावरील बक्षिसे चहाडे ग्रामपंचायतीला मिळतील, असा विश्वास आहे. प्रत्येक ग्रामपंचायतीने केवळ बक्षीस मिळवण्यासाठीच नव्हे, तर गावाच्या भविष्यासाठी या अभियानात प्रामाणिकपणे काम करावे. पालघर जिल्हा एकजुटीने पुढे आला, तर राज्यस्तरावर नक्कीच अव्वल ठरेल, असे प्रतिपादन आमदार विलास तरे यांनी केले.
राज्यात आज (ता. १७)पासून मुख्यमंत्री समृद्ध पंचायतराज अभियानाची सुरुवात उत्साहपूर्ण वातावरणात झाली. यानिमित्त चहाडे ग्रामपंचायतीतील जिल्हास्तरीय कार्यक्रमामध्ये आमदार तरे बोलत होते. पालघर जिल्ह्यातही स्थानिक आमदार, तसेच जिल्हा परिषदेचे मुख्य कार्यकारी अधिकारी मनोज रानडे यांच्यासह अधिकाऱ्यांनी उपस्थित राहून कार्यक्रमाला सुरुवात केली. या अभियानाद्वारे ग्रामपंचायतींची कार्यक्षमता वाढवून लोकाभिमुख प्रशासन अधिक सक्षम करणे आणि गावोगाव शाश्वत विकास साधणे, हा मुख्य उद्देश आहे. अभियानात उत्कृष्ट कामगिरी करणाऱ्या जिल्हा परिषद, पंचायत समित्या आणि ग्रामपंचायतींना कोट्यवधींच्या बक्षिसांनी गौरविले जाणार असून, त्यामुळे गावांच्या विकासकामांना मोठी चालना मिळणार आहे.
मुख्य कार्यकारी अधिकारी मनोज रानडे यांनी सांगितले, की चहाडे ग्रामपंचायतीने दिलेली उत्साही सुरुवात अनुकरणीय आहे. सर्व ग्रामपंचायतींनी या अभियानात सक्रिय सहभाग नोंदवून मूलभूत सोयीसुविधा उपलब्ध करून गावांचा सर्वांगीण विकास साधावा आणि जिल्ह्याचे नाव राज्यात उज्ज्वल करावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.