मुंब्र्यात शिक्षकाने केली गळफास लावून आत्महत्या

मुंब्र्यात शिक्षकाची आत्महत्या
कळवा, ता. १७ (बातमीदार) : मुंब्रा येथील अमृतनगर परिसरात एका ३५ वर्षीय शिक्षकाने आपल्या क्लासरूममध्ये गळफास लावून आत्महत्या केल्याची धक्कादायक घटना बुधवारी (ता. १७) दुपारी घडली. नीलेश यादव असे या शिक्षकाचे नाव असून, ते जी. आर. पाटील विद्यालयात शिकवत होते. आत्महत्येपूर्वी त्यांनी एक चिठ्ठी लिहून ठेवली होती. या घटनेची माहिती मिळताच मुंब्रा पोलिसांनी घटनास्थळी धाव घेतली. मृतदेह शवविच्छेदनासाठी कळवा येथील छत्रपती शिवाजी महाराज रुग्णालयात पाठवण्यात आला असून, पोलिस या प्रकरणाचा पुढील तपास करीत आहेत.