अंबरनाथमध्ये गॅस सिलेंडरच्या स्फोटात दोन जखमी

अंबरनाथमध्ये गॅस सिलिंडरच्या स्फोटात दोघे जखमी
अंबरनाथ, ता. १७ (वार्ताहर) : अंबरनाथ पश्चिममधील बुवापाडा परिसरात बुधवारी (ता. १७) पहाटेच्या सुमारास गॅस सिलिंडरचा स्फोट झाल्याने दोन कामगार गंभीररीत्या जखमी झाले. श्याम नारायण गौतम आणि अरविंद गौतम अशी जखमींची नावे असून, ते दोघेही मूळचे नातेवाईक आहेत. सकाळी कामावर जाण्यापूर्वी ते जेवण बनवत असताना अचानक गॅस सिलिंडरचा स्फोट झाला. या स्फोटामुळे दोघेही ७० ते ८० टक्के भाजले आहेत. घटनेनंतर त्यांना तातडीने उल्हासनगरच्या मध्यवर्ती रुग्णालयात उपचारासाठी दाखल करण्यात आले आहे. सध्या त्यांची प्रकृती स्थिर असून, त्यांच्यावर उपचार सुरू आहेत. अंबरनाथ पोलिसांनी घटनास्थळाची पाहणी केली असून, याप्रकरणी पुढील तपास सुरू आहे.