पंतप्रधान नरेंद्र मोदी यांच्या वाढदिवसानिमित्त घाटकोपरमध्ये सेवा उपक्रम

पंतप्रधान नरेंद्र मोदी यांच्या वाढदिवसानिमित्त घाटकोपरमध्ये सेवा उपक्रम
घाटकोपर, ता. १८ (बातमीदार) ः पंतप्रधान नरेंद्र मोदी यांच्या ७५व्या वाढदिवसानिमित्त ‘७५ उपक्रम-सेवा, करुणा आणि मानवतेसाठी’ या उपक्रमांतर्गत गरजू नागरिकांना जीवनावश्यक साहित्याचे वाटप करण्यात आले. या सामाजिक सेवा उपक्रमाचे आयोजन राष्ट्रसंत पूज्य गुरुदेव नम्रमुनी महाराज यांच्या प्रेरणेतून करण्यात आले होते. याप्रसंगी घाटकोपर पूर्व मतदारसंघाचे आमदार पराग शाह यांच्या हस्ते आराध्या वन पार्क, ६० फूट रस्ता येथे साहित्य वितरण पार पडले. गरजूंपर्यंत मदतीचा हात पोहोचवून सेवा, सहकार्य आणि समाजाभिमुखतेची भावना दृढ करण्याचा या उपक्रमाचा उद्देश असल्याचे आयोजकांनी सांगितले. ही सेवा म्हणजे पंतप्रधान नरेंद्र मोदी यांच्या दूरदृष्टीपूर्ण, सर्वसमावेशक आणि सबळ भारताच्या संकल्पनेचे जिवंत प्रतीक आहे, अशी प्रतिक्रिया मंडळ महामंत्री संजय गजानन दरेकर (बाबू) यांनी व्यक्त केली.