भिवंडी तालुक्यात भात पिकावर करप्या रोगाची लागण शेतकऱ्यांमध्ये चिंतेचे वातावरण

भिवंडी तालुक्यात भात पिकावर करप्या रोग
शेतकऱ्यांमध्ये चिंतेचे वातावरण
वज्रेश्वरी, ता. २० (बातमीदार) : भिवंडी तालुक्यात शेकडो हेक्टर भात पिकाची लागवड केली जाते. यावर्षी पाऊस समाधानकारक पडत असल्याने शेतकऱ्यांमध्ये आनंदाचे वातावरण होते. मात्र, अचानक भात पिकावर करप्या रोगाने शिरकाव केल्याने शेतकरी चिंतातूर झाला आहे.
तालुक्यातील किरवली, राऊत पाडा, कुशिवली, शेडगाव या गावांसह अनेक गावात भात पिकावर करप्या रोगाचा प्रादुर्भाव झाला आहे. याबाबत तालुका कृषी अधिकारी शिंदे यांनी गावात आपली टीम पाठवली असून या टीमने गावातील शेतकऱ्यांना मार्गदर्शन केले आहे. यामध्ये कृषी मंडल अधिकारी गायकवाड आणि कृषी सहाय्यक नरेश भुजड उपस्थित होते.