गणेशपुरीत गुरुदेव सिद्धपीठ व गणेशपुरी पोलीस ठाणे तर्फे वृक्षारोपण .. एक हजार झाडांची लागवड

गणेशपुरीत एक हजार झाडांची लागवड
वज्रेश्वरी, ता. २० (बातमीदार) : गुरुदेव सिद्धपीठ आश्रम गणेशपुरी व पोलिस ठाण्याच्या संयुक्त विद्यमाने शनिवारी (ता. २०) येथील भिवाळी शिवारात वृक्षारोपण कार्यक्रम पार पडला. या कार्यक्रमात सहायक पोलिस निरीक्षक कमलेश बच्छाव यांच्या हस्ते वृक्षारोपण करण्यात आले. त्यांच्या मार्गदर्शनाखाली एकाच वेळी तब्बल एक हजार झाडांची लागवड करण्यात आली. या वेळी पोलिस विभागातील अधिकारी-कर्मचारी, गुरुदेव सिद्धपीठाचे पदाधिकारी, पत्रकार, ग्रामस्थ तसेच अनेक पर्यावरणप्रेमी नागरिक मोठ्या संख्येने उपस्थित होते. झाडांची निगा व संगोपनाची जबाबदारी गुरुदेव सिद्धपीठाने स्वीकारली आहे.