भिवंडीत चिमुकल्यांनी जाणून घेतली रानभाज्यांची माहिती

भिवंडीत चिमुकल्यांनी घेतली रानभाज्यांची माहिती
भिवंडी, ता. २० (वार्ताहर) ःडोंगरदऱ्यात विशेषतः पावसाळ्यात उगवणाऱ्या रानभाज्यांची माहिती चिमुकल्या विद्यार्थ्यांना मिळावी या उद्देशान शहरातील जनरल एज्युकेशन इन्स्टिट्यूटच्या पूर्व प्राथमिक शाळेत शुक्रवारी (ता. २०) रानभाज्या महोत्सवाचे आयोजन करण्यात आले होते. यामध्ये प्रदर्शनात ठेवलेल्या रानभाज्यांची माहिती विद्यार्थ्यांना चिमुकल्यांनीच देऊन सर्वांची मने जिंकली. यामध्ये चिमुकल्यांनी डोंगर दऱ्यात मिळणाऱ्या रानभाज्यांची माहिती, उपयोग, आरोग्य विषयक फायदे ही माहिती उपस्थितांना दिली. या विद्यार्थ्यांचे कौतुक करायला पूर्व प्राथमिक विभागाचे अध्यक्ष शाम सिंगासही यांनी सपत्नीक प. रा. विद्यालयाचे चित्रकला शिक्षक व संस्थेचे कर्मचारी संघटनेचे सदस्य संतोष भोईर आवर्जून उपस्थित होते. विद्यार्थ्यांनी रानभाज्या संदर्भात दिलेल्या माहितीबद्दल विद्यार्थ्यांचे कौतुक केले. हा उपक्रम यशस्वी करण्यासाठी शाळेच्या मुख्याध्यापिका अनिता सुतार यांच्या नेतृत्वाखाली सर्व शिक्षकवर्गाने विशेष मेहनत घेतली.