भिवंडीमध्ये आढळला हायड्रोसेफॅलसचा रुग्ण

भिवंडीत आढळला हायड्रोसेफॅलसचा रुग्ण
भिवंडी, ता. २० (बातमीदार) : भिवंडीत चौहान कॉलनीमध्ये हायड्रोसेफॅलसने ग्रस्त असलेले ११ महिन्यांचे मूल आढळले आहे. मेहबूब शेख नावाच्या या बाळाला हायड्रोसेफॅलस नावाचा दुर्मिळ आजार आहे. यामुळे त्याच्या डोक्यात पाणी जमा होऊन ते खूप मोठे झाले आहे. तो सध्या मुंबईतील लीलावती रुग्णालयात उपचारासाठी दाखल आहे.
भिवंडीतील गरीब मजूर नासिर शेख यांचा मुलगा मेहबूब जन्मापासूनच या आजाराने त्रस्त आहे. उपचारासाठी मोठा खर्च अपेक्षित असल्याने त्याच्या कुटुंबाला मदत करणे शक्य नव्हते. सामाजिक कार्यकर्ते हुसेन मन्सुरी यांनी सोशल मीडियावर मेहबूबचा व्हिडिओ शेअर केला. तो व्हायरल झाला. हा व्हिडिओ पाहून अभिनेत्री जॅकलिन फर्नांडिसने पुढाकार घेतला आणि त्याच्या उपचाराचा खर्च उचलण्याचे आश्वासन दिले आहे.