पत्रिपुलावर एसटी पडली बंद; वाहतुकीचा खोळंबा

पत्रीपुलावर एसटी पडली बंद; वाहतुकीचा खोळंबा
कल्याण, ता. २१ (बातमीदार) : पत्रीपूल येथे रविवारी (ता. २१) दुपारच्या दरम्यान एसटी बस बंद पडल्याने वाहतूक सेवा विस्कळित झाली होती. कल्याण बसस्थानकातून निघालेली अहिल्यानगर-कल्याण ही एसटी पत्रीपुलावर येताच रस्त्याच्या मधोमध बंद पडली. यामुळे काही वेळातच पाठीमागे वाहनांच्या लांबच लांब रांगा लागल्या होत्या. वाहतूक पोलिसांनी घटनास्थळी पोहोचून एका बाजूने वाहतूक सुरू ठेवली. या एसटी बसची फेरी पूर्ण होऊन ती विठ्ठलवाडी आगाराकडे निघाली असल्याने गाडीत प्रवासी नसल्याची प्राथमिक माहिती आहे. असे असले तरी कल्याण-शिळफाटा मार्गावर मात्र वाहतुकीला मोठा अडथळा निर्माण झाला होता.