केमिकल कंपनीच्या आवारात उभ्या केलेल्या कारने घेतला पेट

केमिकल कंपनीच्या आवारात उभ्या केलेल्या कारने घेतला पेट
सकाळ वृत्तसेवा
ठाणे, ता. २१ : वागळे इस्टेट रोड नंबर २५ येथील मे. जे. बी. केमिकल कंपनीच्या आवारामध्ये उभ्या केलेल्या चारचाकी वाहनाला आग लागली. ही घटना रविवारी पहाटे ४ वाजून आठ मिनिटांनी समोर आली. तसेच ही आग अवघ्या १० मिनिटांत नियंत्रणात आणण्यात ठाणे महापालिकेच्या अग्निशमन दलाच्या जवानांना यश आले आहे.
या घटनेची माहिती मिळताच घटनास्थळी अग्निशमन दलाच्या जवानांनी धाव घेतली. तसेच सदर गाडी ही सुरेशचंद पांडे यांच्या मालकीची असून, या घटनेत सुदैवाने कोणालाही दुखापत झालेली नाही. त्या गाडीचे नुकसान झाले असून, या वेळी एक फायर आणि एक रेस्क्यू वाहन घटनास्थळी पाचारण करण्यात आल्याची माहिती ठाणे महापालिका आपत्ती व्यवस्थापन कक्षेने दिली.