ठाणे जिल्हा कबड्डी असोसिएशनच्या उपाध्यक्ष पदी संतोष तरे

ठाणे जिल्हा कबड्डी असोसिएशनच्या उपाध्यक्ष पदी संतोष तरे
टिटवाळा, ता. २२ (वार्ताहर) :ठाणे जिल्हा कबड्डी असोसिएशनच्या पंचवार्षिक निवडणूक नुकतीच ठाणे येथील चरईत मोठ्या उत्साहाने पार पडली. निवृत्त सत्र न्यायाधीश दिलीप जोशी यांच्या मार्गदर्शनाखाली झालेल्या निवडणुकीत सर्वानुमते टिटवाळा येथील माजी नगरसेवक व उद्योजक संतोष तरे यांची उपाध्यक्षपदी निवड झाली.
तरे यांच्या निवडीने जिल्ह्यातील खेळाडू, क्रीडाप्रेमी व पदाधिकाऱ्यांमध्ये आनंद व्यक्त केला असून, त्यांच्या नेतृत्वाखाली कबड्डी खेळाडूंना अधिक संधी व योग्य दिशा मिळेल, असा विश्वास व्यक्त केला जात आहे. तरे म्हणाले, ही जबाबदारी माझ्यासाठी सन्मानाची असून, मी प्रामाणिकपणे काम करेन. कबड्डीच्या सर्वांगीण विकासासाठी आवश्यक सुविधा व मार्गदर्शन देणे माझे ध्येय आहे. असोसिएशनने तरे यांच्याकडून ठाणे जिल्ह्याचे नाव राज्य व राष्ट्रीय पातळीवर उज्वल होण्याची अपेक्षा व्यक्त केली आहे.