लोअर परळ येथील अनधिकृत बांधकाम जमीनदोस्त

लोअर परळ येथील अनधिकृत बांधकामे जमीनदोस्त

मुंबई, ता. २२ : पालिकेने निश्चित केलेल्या चटई क्षेत्र निर्देशांकाचे (एफएसआय) उल्लंघन करत अनधिकृतपणे अतिरिक्त बांधकाम केल्याप्रकरणी लोअर परळ येथील बेनिफिस बिझनेस हाउसवर कारवाई करीत येथील एक अनधिकृत बांधकाम जमीनदोस्त करण्यातक आले, तर दोन अनधिकृत बांधकामांचे पाडकाम सुरू आहे. 
पालिकेच्या जी (दक्षिण) विभागाच्या सहाय्यक आयुक्त स्वप्नजा क्षीरसागर यांच्या नेतृत्वात लोअर परळ येथील ना. म. जोशी मार्ग येथील बेनिफिस बिझनेस हाउसमधील विविध अनधिकृत बांधकामांवर निष्कासनाची कारवाई सुरू आहे. बेनिफिस बिझनेस हाउसमधील तीन ठिकाणी अनधिकृतपणे अतिरिक्त बांधकाम करण्यात आले होते. दरम्यान,  अनधिकृत बांधकामे, अतिक्रमणांवर कारवाईची ही मोहीम सातत्याने सुरू राहील, असे पालिका प्रशासनाने स्पष्ट केले आहे.