खड्ड्यामुळे दुचाकीस्वाराचा मृत्यू

खड्ड्यामुळे दुचाकीस्वाराचा मृत्यू
नालासोपारा (बातमीदार) : घटस्थापनेनिमित्त देवीचा पाट घेऊन जाताना खड्ड्यात दुचाकी आदळल्यानंतर टँकरखाली चिरडल्याने एकाचा मृत्यू झाला. प्रताप नाईक (वय ५५) असे मृताचे नाव असून, ही घटना भाटपाडा परिसरातील आरटीओ कार्यालयाजवळ घडली. विरार पूर्वेकडील तांदूळ बाजार परिसरातील रहिवासी असलेले नाईक हे देवीचा पाट घेऊन विरार फाट्याकडे जात असताना, आरटीओ कार्यालयाजवळ त्यांची दुचाकी खड्ड्यात आदळल्या गेली. त्यामुळे ते रस्त्यावर पडले. तेवढ्यात पाठीमागून आलेल्या टँकरचे चाक त्यांच्या डोक्यावरून गेल्याने त्यांचा जागीच मृत्यू झाला.