जीपी पारसिक सहकारी बँकेला महाराष्ट्र

जीपी पारसिक सहकारीला सर्वोत्कृष्ट बँकेचा पुरस्कार
ठाणे, ता. २३ ः नागरी सहकारी बँक क्षेत्रातील अग्रणी जीपी पारसिक सहकारी बँकेला महाराष्ट्र अर्बन को-ऑपरेटीव्ह बँक फेडरेशनने सर्वोत्कृष्ट बँकेच्या पुरस्काराने गौरविले आहे. दोन हजार पाचशे कोटी ते पाच हजार कोटींपर्यंत ठेवी असलेल्या गटामध्ये हा पुरस्कार जीपी पारसिक बॅंकेला मिळाला आहे. बँकेचे अध्यक्ष विक्रम पाटील यांच्यासोबत संचालक रणजित पाटील, नारायण गावंड, दशरथ पाटील, कयुम चेऊलकर व संचालिका राजश्री पाटील यांनी सहकार क्षेत्राच्या राष्ट्रीय संघटनेचे सदस्य ज्योतिन्द्र मेहता, फेडरेशनचे अध्यक्ष अजय ब्रम्हेचा यांच्या हस्ते नाशिक येथील कार्यक्रमात हा पुरस्कार प्रदान करण्यात आला. हा पुरस्कार म्हणजे बँकेने केलेल्या उत्कृष्ट कामगिरीची पावतीच आहे, असे बँकेने म्हटले आहे.