विधी महाविद्यालयात अभिरूप न्यायालय स्पर्धा

विधी महाविद्यालयात अभिरूप न्यायालय स्पर्धा
मुंबई ः शासकीय विधी महाविद्यालयाकडून मराठी मूट कोर्ट असोसिएशनतर्फे पहिल्यांदाच १९ व २० सप्टेंबरला ‘न्यायमंथन’ अभिरूप सत्र न्यायालय स्पर्धेचे आयोजन केले होते. स्पर्धेत महाविद्यालयाच्या एकूण ४४ टीम्सनी सहभाग नोंदवला. विद्यार्थ्यांना न्यायालयीन प्रक्रियेचा अनुभव देण्यासाठी ही स्पर्धा एक प्रभावी व्यासपीठ ठरली आहे. शासकीय विधी महाविद्यालयाच्या सभागृहात १९ व २० सप्टेंबरला ही स्पर्धा रंगली. ॲड. हेमंत पाटील, ॲड. कुणाल शिरगिरे, ॲड. अनिकेत गावंड, ॲड. अक्षय ढगे यांनी परीक्षक व उद्घाटक म्हणून हजेरी लावली होती. मराठी मूट कोर्ट असोसिएशनचे समन्वयक डॉ. अनिता देसले, प्राध्यापक राहुल ढोबळे उपस्थित होते. ॲड. विक्रम वालावलकर, ॲड. नवीन चोमाल यांनी परीक्षक म्हणून मार्गदर्शन केले. प्रथम पारितोषिक अद्वैत खरात, श्रीकांत टाकरस यांना, नम्रता हांडे, श्रावणी साबळे यांना द्वितीय, तर गणेश पाटील, वेद पाटील यांनी तृतीय पारितोषिक पटकावले. सोहम ठोंबरे, आशीष देवपूरकर यांना उत्तेजनार्थ पारितोषिक मिळाले. प्राचार्या डॉ. अस्मिता वैद्य यांनी यशस्वी आयोजनाबद्दल कोअर समितीचे कौतुक केले. समारंभाचे सूत्रसंचालन वैष्णवी गायकवाड यांनी केले. आयोजनासाठी असोसिएशनचे समन्वयक, मुख्य सचिव कल्पेश भंडारी, कनिष्ठ कार्यकारी अंजली लोखंडे, वैष्णवी गायकवाड यांनी सहकार्य केले.