माजिवड्यातील कलाकार दाम्पत्याला मदतीचा हात

माजिवाड्यातील कलाकार दाम्पत्याला मदतीचा हात
सकाळ वृत्तसेवा
ठाणे, ता. २४ ः गणपती काळात माजिवाडा भागातील लोढा कॉम्प्लेक्स परिसरात अतिवृष्टीमुळे प्रचंड पाणी साचले. याचा फटका एका गरीब कलाकार दाम्पत्याच्या गणपती-दुर्गादेवी मूर्ती कारखान्यालाही बसला. कारखान्यात पाणी शिरल्याने गणपती मूर्तींचे नुकसान झाले, तसेच कॉम्प्रेसर स्प्रे पेंटिंग मशीनमध्ये न दुरुस्त होणारा बिघाड झाला. गणपतीमध्ये तर नुकसान झालंच पण ऐन नवरात्रीच्या तोंडावर देवीच्या मूर्ती रंगवण्याचा प्रश्न निर्माण झाल्याने हे दाम्पत्य संकटात सापडले. या कठीण प्रसंगी त्यांनी माजिवडा गावातील भाजपा कार्यालयात धाव घेऊन आपली समस्या मांडली. प्रकरणाची गंभीरता लक्षात घेऊन त्यांना मदतीचे आश्वासन दिले. त्यानुसार लोढा कॉम्प्लेक्स चौकातील मूर्ती कारखान्यात या कलाकार दाम्पत्याला नवीन कॉम्प्रेसर स्प्रे पेंटिंग मशीन माननीय आमदार निरंजन डावखरे साहेबांच्या हस्ते प्रदान करण्यात केले. हा उपक्रम भारताचे लोकप्रिय पंतप्रधान श्री नरेंद्र मोदी यांच्या ७५ व्या वाढदिवसानिमित्त आयोजित सेवा पंधरवड्याचा एक भाग आहे. हा लोकसेवेचा अनोखा प्रयत्न आहे.