फोर्टच्या राजमातेची मूर्ती पाहण्यासाठी सर्वधर्मीयांची गर्दी

फोर्टच्या राजमातेची मूर्ती पाहण्यासाठी सर्वधर्मीयांची गर्दी
कुलाबा ता. २५ ः फोर्टच्या राजानंतर आता फोर्टच्या राजमातेचे दर्शन घेण्यासाठी भाविकांची मोठी गर्दी होत आहे. फोर्टचा राजा सार्वजनिक गणेशोत्सव मंडळाने यंदा प्रथमच देवीची स्थापना केली आहे.
सिंहावर विराजमान अशी महालक्ष्मीच्या रूपात असलेली राजमातेची मूर्ती कुलाबा येथून आणली आहे. या परिसरातील व्यापारी, स्थानिक रहिवासी तसेच रिझर्व्ह बँकेचे कर्मचारीदेखील देवीच्या दर्शनासाठी आवर्जून येत आहेत. विशेष गरबा नृत्य ३० सप्टेंबरला ठेवला असल्याची माहिती मंडळाचे सल्लागार नयन डुंबरे यांनी दिली.
मंडळाचे यंदा पहिलेच वर्ष आहे. फोर्टचा राजा विराजमान होतो त्याच ठिकाणी देवीची स्थापना केली आहे. यंदा विविध सांस्कृतिक कार्यक्रमांचे आयोजन केल आहे. हिंदू संस्कृती जागृत ठेवण्याचे काम आमचे मंडळ करीत असल्याचे मंडळाचे सदस्य संजय जडीयार यांनी सांगितले.

फोर्ट परिसर हा व्यापारी विभाग आहे. या ठिकाणी सर्वधर्मीय लोक राहतात. यामध्ये मराठी, राजस्थानी, गुजराती, मारवाडी, यूपी, बिहारी असे सर्व लोक राहतात. देवीच्या आरतीला सर्वधर्मीयांची उपस्थिती आवर्जून असते.
- अक्षय पटेल, खजिनदार
...