नावंढे वाडीत अल्पवयीन मुलगी गर्भवती

अल्पवयीन मुलीवर अत्याचार
तरुणावर गुन्हा दाखल
खालापूर, ता. २६ (बातमीदार) ः एका अल्पवयीन मुलीसोबत वारंवार शरीरसंबंध ठेवून तिला नऊ महिन्यांची गर्भवती केल्याप्रकरणी दशरथ मनोहर वाघमारे (वय २०, रा. नावंढेवाडी, खोपोली) याच्याविरोधात खालापूर पोलिस ठाण्यात गुन्हा दाखल करण्यात आला आहे. पीडित मुलगी लोणावळा परिसरातील असून तिचे दशरथसोबत प्रेमसंबंध होते. नावंढेवाडी येथे भाड्याच्या खोलीमध्ये दोघे राहत होते. दशरथ याने वारंवार केलेल्या शरीरसंबंधातून ती नऊ महिन्यांची गर्भवती राहिल्याने दशरथविरुद्ध गुरुवारी (ता. २५) गुन्हा दाखल करण्यात आला आहे. याबाबत पोक्सोअंतर्गत खालापूर पोलिस ठाणे येथे गुन्हा दाखल करण्यात आला असून अधिक तपास पोलिस शामल पाटील करीत आहेत.