डंपरच्या धडकेत दुचाकीस्वाराचा मृत्यू

डम्परच्या धडकेत दुचाकीस्वाराचा मृत्यू
भाईंदर, ता. २६ (बातमीदार) ः कचरा वाहून नेणाऱ्या डम्परने धडक दिल्याने दुचाकीस्वाराचा जागीच मृत्यू झाला. भाईंदर-उत्तन रस्त्यावर डोंगरी येथे शुक्रवारी (ता. २६) दुपारी ही घटना घडली. याप्रकरणी पोलिसांनी डम्परचालकाला अटक केली आहे. भाईंदर येथे राहणारे दैरीलाल जैन (वय ६७ ) शुक्रवारी दुपारी कामानिमित्त दुचाकीवरून उत्तनला चालले होते. डोंगरी गावाजवळ त्यांच्या दुचाकीला समोरून येणाऱ्या डम्परने जोरदार धडक दिली. त्यात दैरीलाल यांचा जागीच मृत्यू झाला.