दिवाळी आणि छठ पूजेसाठी परेचा विशेष गाड्या !

दिवाळी आणि छठसाठी पश्चिम रेल्वेच्या विशेष गाड्या

सकाळ वृत्तसेवा
मुंबई, ता. २७ : दुर्गा पूजा, दिवाळी आणि छठ या सणांच्या काळात प्रवाशांची अतिरिक्त गर्दी लक्षात घेऊन पश्चिम रेल्वेने वांद्रे टर्मिनस-अयोध्या आणि वांंद्रे टर्मिनस-लुधियानादरम्यान उत्सव विशेष गाड्या चालविण्याची घोषणा केली. यामुळे प्रवाशांना मोठा दिलासा मिळणार आहे.
पश्चिम रेल्वेने दिलेल्या माहितीनुसार, ट्रेन क्रमांक ०९०९५ वांद्रे टर्मिनसहून प्रत्येक बुधवारी सकाळी ११ वाजता निघेल. ही ट्रेन १ ऑक्टोबर ते १९ नोव्हेंबर २०२५ पर्यंत चालविण्यात येईत. परतीची ट्रेन क्रमांक ०९०९६ अयोध्या कैंटहून प्रत्येक गुरुवार रात्री ९ वाजता निघेल. दुसरीकडे ट्रेन क्रमांक ०९०९७ वांद्रे टर्मिनस-लुधियाना जंक्शन साप्ताहिक विशेष गाडी वांद्र्याहून रविवार रात्री ९.५० वाजता निघेल. ही गाडी ५ ऑक्टोबर ते ३० नोव्हेंबर २०२५ पर्यंत चालवली जाईल. परतीची ट्रेन ०९०९८ लुधियाना जंक्शनहून मंगळवार पहाटे ४ वाजता निघेल. या गाडीला बोरिवली, पालघर, वापी, वलसाड, सूरत, भरूच, वडोदरा, रतलाम, कोटा, सवाई माधोपूर, गंगापूर सिटी, हिंडौन सिटी, मथुरा, नवी दिल्ली, पानिपत आणि अंबाला या ठिकाणी थांबा देण्यात आला आहे. या गाड्यांचे आरक्षण २८ सप्टेंबरपासून भारतीय रेल्वेच्या सर्व आरक्षण केंद्रांवर आणि ‘आयआरसीटीसी’च्या संकेस्थळावर सुरू होणार आहे.