घर नाही, तर मत नाही!

घर नाही, तर मत नाही!
गिरणी कामगार संघटनेचा इशारा
सकाळ वृत्तसेवा
मुंबई, ता. ३० : गिरणी कामगारांच्या घराचा प्रश्न दीर्घकाळापासून प्रलंबित असूनही त्याकडे राज्य सरकारकडून जाणूनबुजून दुर्लक्ष केले जात आहे. त्यामुळे कामगार आणि त्यांच्या वारसांमध्ये तीव्र नाराजी आहे. त्यामुळे घर नाही तर मत नाही, अशी भूमिका आम्ही घेणार असल्याचा इशारा गिरणी कामगार संघटनेचे अध्यक्ष तेजस कुंभार यांनी दिला आहे.
गिरणी कामगारांनी मुंबई घडवण्यासाठी आपले रक्त आठवले आहे. त्यामुळे सरकारने प्रत्येक गिरणी कामगाराला हक्काचे घर देण्याची घोषणा केली होती. काही लोकांना घरे मिळाली, पण अद्याप घरापासून वंचित असलेल्यांना घरे देण्याबाबत सरकार फारसे गंभीर असल्याचे दिसत नाही. सरकारकडून फक्त निवडणुकांच्या काळात खोटी आश्वासने मिळतात. प्रत्यक्ष मात्र काहीच काम होत नाही. आता सहनशीलतेचा अंत झाला आहे. तातडीने घरांचा प्रश्न मार्गी लावला गेला नाही, तर येणाऱ्या निवडणुकांमध्ये सत्ताधाऱ्यांना एकही मत मिळणार नाही, असे तेजस कुंभार यांनी कामगारांच्या वतीने स्पष्ट केले आहे.