डहाणू रेल्वे स्थानकाजवळ अमृतसर एक्सप्रेसचे चार डबे वेगळे

डहाणूजवळ अमृतसर एक्स्प्रेसचे डबे झाले वेगळे
कासा, ता. २८ (बातमीदार) : पश्चिम रेल्वेच्या डहाणू स्थानकाजवळ आज सकाळी मुंबईहून अमृतसरकडे जाणाऱ्या अमृतसर एक्स्प्रेसचे दोन डबे गाडीतून अचानक वेगळे झाले. स्थानक पार करीत असताना ही घटना घडली.
घटनेत कोणतीही जीवितहानी झाली नाही आणि मोठी दुर्घटना टळली; मात्र डबे वेगळे झाल्याने प्रवाशांमध्ये भीती आणि गोंधळाचे वातावरण निर्माण झाले. या घटनेमुळे डाऊन मार्गावरील रेल्वे वाहतूक सुमारे ४० मिनिटे ठप्प झाली होती.
घटनेची माहिती मिळताच रेल्वे अधिकारी आणि कर्मचाऱ्यांनी तातडीने वेगळे झालेले डबे रुळावर जोडून रेल्वे वाहतूक पुन्हा सुरळीत केली. रेल्वेचे डबे वेगळे होण्याचे नेमके कारण शोधण्यासाठी चौकशी सुरू आहे. या घटनेमुळे रेल्वेच्या सुरक्षेवर प्रश्नचिन्ह उभे राहिले असून, प्रवाशांनी अधिक कठोर उपाययोजना करण्याची मागणी केली आहे.