महिलेला मारहाण करत विनयभंग

महिलेला मारहाण करत विनयभंग
उल्हासनगर पोलिस ठाण्यात गुन्हा दाखल
उल्हासनगर, ता. २९ (वार्ताहर) ः उल्हासनगर कॅम्प क्रमांक एक येथील कमला नेहरूनगरमध्ये धक्कादायक घटना उघडकीस आली आहे. परिसरातील एका महिलेला श्वानांना जेवण घालण्यावरून मारहाण करत तिचा विनयभंग करण्यात आला. याप्रकरणी अवधेश सिंग या व्यक्तीविरोधात गुन्हा दाखल करण्यात आला आहे. तक्रारदार महिला रात्रीच्या वेळी धोबीघाट, कमला नेहरूनगर परिसरात भटक्या श्वानांना दूध व टोस्ट खाण्यासाठी देतात. घटनेच्या दिवशी अवधेश सिंग हा श्वानांना मारहाण करत होता. त्याला विरोध केल्यामुळे संतापून त्याने संबंधित महिलेला मारहाण केली, तसेच तिचा विनयभंग केला, अशी फिर्याद उल्हासनगर पोलिस ठाण्यात नोंदवली आहे. याप्रकरणी उल्हासनगर पोलिसांनी अवधेश सिंगविरोधात गुन्हा दाखल करून पुढील तपास सुरू केला आहे.