गरबा खेळण्यासाठी गेलेली मुलगी बेपत्ता

गरबा खेळण्यासाठी गेलेली मुलगी बेपत्ता
सकाळ वृतसेवा
ठाणे, ता. ३० : गरबा खेळण्यासाठी गेलेली १४ वर्षीय मुलगी बेपत्ता झाल्याची घटना ताजी असतानाच चोवीस तासातच ठाणे शहरातून आणखी एक १४ वर्षीय मुलगी गरबा खेळण्यासाठी गेली असताना अचानक गायब झाल्याची बाब समोर आली आहे. याप्रकरणी कापूरबावडी पोलिस ठाण्यात अपहरणाचा गुन्हा दाखल झाला आहे. ही मुलगी ही आठवीमधील विद्यार्थिनी आहे. ती रविवारी (ता. २८) रात्री १० वाजता तिच्या मैत्रिणीसह मानपाडा परिसरात गरबा खेळण्यासाठी गेली होती. रात्रीचे साडेअकरा वाजले तरी घरी परतली नसल्याने ज्या मैत्रिणीसोबत गेली होती. तिच्या घरी जाऊन तिच्या पालकांनी विचारणा केली. तेव्हा त्या मैत्रिणीने ती साडेदहा वाजता दुसऱ्या मैत्रिणीकडे चालली आहे, असे सांगून गेली. त्यानंतर तिच्या पालकांनी शोध घेऊनही ती न सापडल्याने तिला कोणीतरी फूस लावून पळवून नेले. म्हणून पोलिस ठाण्यात धाव घेऊन याप्रकरणी अपहरणाचा गुन्हा दाखल गुन्हा दाखल केला आहे. कापूरबावडी पोलिस ठाण्याचे वरिष्ठ पोलिस निरीक्षक प्रवीण माने यांच्या मार्गदर्शनाखाली पुढे तपास सुरू आहे.