राष्ट्रीय मिल मजदूर संघ, महाराष्ट्र राज्य राष्ट्रीय कामगार संघाचे आज दसरा संमेलन

राष्ट्रीय मिल मजदूर संघ, महाराष्ट्र राज्य राष्ट्रीय कामगार संघाचे आज दसरा संमेलन

सकाळ वृत्तसेवा
मुंबई, ता. ३० : राष्ट्रीय मिल मजदूर संघ आणि महाराष्ट्र राज्य राष्ट्रीय कामगार संघाच्या वतीने बुधवार, १ ऑक्टोबर रोजी दसरा संमेलन, वर्धापन दिन सोहळ्याचे आयोजन करण्यात आले आहे. सकाळी ११ वाजता परेलच्या मनोहर फाळके सभागृहात‌ हा सोहळा होणार आहे. कार्यक्रमाच्या अध्यक्षस्थानी आमदार सचिन अहिर असणार आहेत. या कार्यक्रमाला दोन्हीही संघटनांचे पदाधिकारी उपस्थित राहणार असून, विजयादशमीच्या पूर्वसंध्येला सालाबादप्रमाणे दसऱ्याच्या शुभेच्छा कामगारांना पारंपरिक पद्धतीने‌ देण्यात येतील. त्यामुळे कामगारांनी मोठ्या संख्येने उपस्थित राहावे, असे आवाहन संघटनेचे सरचिटणीस गोविंदराव मोहिते यांनी केले आहे.