शॉक लागून कामगाराचा मृत्यू

विजेचा धक्का लागून कामगाराचा मृत्यू
कल्याण, ता. ३० (वार्ताहर) : कल्याण पश्चिमेकडील बिर्ला कॉलेज परिसरात पथदिवे दुरुस्त करीत असताना उच्च दाब विद्युत वाहिनीचा जोरदार झटका लागून एका खासगी कामगाराचा जागीच मृत्यू झाल्याची दुर्दैवी घटना आज दुपारच्या सुमारास घडली.
संदीप चौधरी असे मृत कामगाराचे नाव असून, तो कल्याण डोंबिवली महापालिकेच्या खासगी ठेकेदाराकडे कार्यरत होता. पथदिव्यांची दुरुस्ती करीत असताना त्याचा स्पर्श महावितरणच्या उच्च दाब विद्युत वाहिनीला झाला आणि त्याला जोराचा झटका बसला. या घटनेमुळे कंत्राटी कामगारांच्या सुरक्षिततेचा प्रश्न पुन्हा एकदा ऐरणीवर आला आहे.