विठ्ठलवाडी ठाण्यात पोलिस मित्र-शांतता समितीची बैठक

उल्हासनगर, ता. १ (बातमीदार) : दसरा आणि दिवाळीच्या सणासिद्धीसाठी विठ्ठलवाडी ठाण्यात पोलिस मित्र व शांतता समितीची बैठक घेण्यात आली. वरिष्ठ पोलिस निरीक्षक अशोक कोळी यांनी बैठकीत सणावैभवात सलोख्याचे वातावरण राखण्यासाठी जनजागृतीचे मार्गदर्शन केले.
पोलिस मित्र आणि शांतता समितीच्या नेहमीच्या सहकार्यामुळे सण-उत्सव सुरक्षित वातावरणात पार पडत असल्याचे सांगितले. येत्या महापालिका निवडणुकांपूर्वी राजकीय रणधुमाळीत पोलिसांशी सातत्याने संपर्क साधून निवडणूक शांततेत पार पडण्यासाठी प्रयत्न करण्याचे आवाहन केले. पोलिस उपायुक्त सचिन गोरे, सहाय्यक पोलिस आयुक्त अमोल कोळी यांच्या मार्गदर्शनाखाली ही बैठक झाली. याप्रसंगी प्रीतम कुकरेजा, प्रा. डॉ. प्रकाश माळी, सचिन कदम, बंडू देशमुख, प्रकाश देशमुख, उल्हास पाटील, अजय दुधाने, संजय वाघमारे, सुरेश देशमुख, संजय कांबळे, संजीवनी भानुशाली यासह अनेक सदस्य उपस्थित होते.