जमिनीच्या वादातून गोळीबार

जमिनीच्या वादातून गोळीबार
कर्जतमधील पोटल ग्रामपंचायत हद्दीतील घटना
कर्जत, ता.२(बातमीदार)ः तालुक्यातील पोटल ग्रामपंचायतीअंतर्गत वाडी मुस्लिम वसाहतीत जमिनीच्या वादातून बुधवारी रात्री (ता.१) गोळीबार करण्यात आला. दोन गुंठे जमिनीच्या वादातून मालदार कुटुंबातील भावकींमध्ये हा वाद सुरू आहे.
मालदार कुटुंबीयांमध्ये जागेविषयीचा वाद गेल्या काही दिवसांपासून सुरू होता. इस्माईल मालदार, अनिस मालदार (वय ४५) यांच्यात शेजारील दोन गुंठे जमिनीवरून तणाव वाढला. कुटुंबात साखरपुड्याचा कार्यक्रम होणार असताना दोन्ही कुटुंबांमध्ये अधिकच तणाव निर्माण झाला आहे. घटनेत इस्माईल सय्यद मालदार (वय ६२) यांच्यावर त्यांच्याच नातेवाईक मूफिज अनिस मालदार (वय २१) त्याचे पुण्यातील चार मित्रांनी हल्ला केला. रात्री साधारण अकरा वाजता घटना घडली. सुदैवाने, कुणालाही इजा झाली नाही. मात्र गोळीबारामुळे परिसरात दहशतीचे वातावरण निर्माण झाले.
---------------------------
पिस्तूल जप्त
गोळीबारानंतर आरोपींनी पळ काढला. त्यापैकी एकाला ग्रामस्थांनी पकडले, तर उर्वरित फरार तिघांना पण पोलिसांनी अटक केली आहे. तसेच गुन्ह्यात वापरलेले पिस्तूल जप्त पोलिसांनी केले. तसेच घटनेचे गांभीर्य लक्षात घेऊन कर्जत उपविभागीय पोलिस अधिकारी राहुल गायकवाड, पोलिस निरीक्षक संदीप भोसले, सहाय्यक पोलीस निरीक्षक राहुल वरोटे यांनी गुन्हा दाखल करण्याची प्रक्रिया सुरू केली आहे.