मोकाट जनावरांमुळे वाहतुकीस अडथळा

मोकाट जनावरांमुळे वाहतुकीस अडथळा
खारघर, ता.२ (बातमीदार) : तळोजा वसाहत मधील रस्त्यावर फिरणाऱ्या मोकाट जनावरांच्या कळपांमुळे वाहतुकीला अडथळा निर्माण होत आहे. यामुळे अपघाताची शक्यताही वाढली असून वाहचालकांचे जीव धोक्यात आले आहेत. मोकाट जनावरे पकडण्याची मोहीम महापालिकेकडून सातत्याने राबवली जात नसल्याने या जनावरांची संख्याही दिवसेंदिवस वाढत आहे. तळोजा तसेच खारघर सेक्टर पंचवीस ते चाळीस परिसरात पाळीव मोकाट जनावरांचा शहरात त्रास वाढत असल्याचे दिसून येते. परिसरातील रस्त्यावर वाहनांची वर्दळ असते. त्यात मोकाट जनावरांचा कळप रस्त्यावर ठाण मांडून उभे राहत असल्यामुळे वाहनचालकांना त्याचा त्रास सहन करावा लागत आहे.मोकाट गुरांचे कळप रस्त्यावर तर मोकाट कुत्र्यांनी नवी मुंबई मेट्रो मार्गातील काही स्थानकावर ठाण मांडले आहे. खारघर तळोजा मध्ये अनेक वेळा मोकाट कुत्र्यांनी चावा घेतल्याचा प्रकार घडले आहे. पालिका आणि सिडकोने मोकाट जनावरांचा बंदोबस्त करावे अशी मागणी नागरिकांकडून केली जात आहे.