टाकाऊ पासून टिकाऊ वस्तू तयार करणेची शालेय स्पर्धा संपन्न,

टाकाऊपासून टिकाऊ वस्तूंची स्पर्धा उत्साहात
विरार, ता. ४ (बातमीदार) ः महात्मा गांधी जयंतीनिमित्त स्वच्छता ही सेवा पंधरवडा आयोजित करण्यात आला होता. यासाठी टाकाऊतून टिकाऊ ही स्पर्धा शालेय विद्यार्थ्यांसाठी घेण्यात आली होती.
स्वच्छ हरित उत्सव व स्वच्छता अभियानाचा पुरस्कार अंतर्गत वसई-विरार शहर पालिकेमार्फत शाळा-महाविद्यालयांतील विद्यार्थ्यांकरिता पर्यावरणपूरक व टाकाऊपासून टिकाऊ वस्तूंची स्पर्धा आयोजित करण्यात आली होती.
या स्पर्धेमध्ये जॉन २३ हायस्कूल विरार, एंजल स्कूल वालिव, रॉयल पब्लिक स्कूल विरार, अंजुमन उर्दू हायस्कूल विरार, एन. जी. वर्तक इंग्लिश मिडीयम हायस्कूल विरार, होली मेरी इंग्लिश मीडियम स्कूल, अण्णासाहेब वर्तक स्मारक विद्यामंदिर विरार यांनी सहभाग घेतला होता. या स्पर्धेमध्ये पाचवी ते दहावीच्या विद्यार्थ्यांनी भाग घेतला होता. या स्पर्धेमध्ये टाकाऊपासून टिकाऊमध्ये कागदी कंदील, हार्मोनियम फुलदाणी, टेलिफोन इत्यादी वस्तू बनविल्या होत्या. या स्पर्धेमध्ये शाळेतील विद्यार्थ्यांचा उत्स्फूर्त सहभाग घेतला होता.