अंमली पदार्थाचा मुद्देमाल केला ठाणे पोलिसांनी नष्ट

ठाणे पोलिसांकडून १४३ कोटींचा अमली पदार्थांचा साठा नष्ट
सकाळ वृत्तसेवा
ठाणे, ता. ३ : ठाणे पोलिस आयुक्तालयाने अमली पदार्थांविरुद्ध मोठी कारवाई करत १४३ कोटी ५३ लाख ८१ हजार रुपये किमतीचा जप्त केलेला अमली पदार्थांचा साठा नुकताच नष्ट केला आहे.
पोलिस आयुक्त आशुतोष डुंबरे यांच्या आदेशानुसार ही विशेष मोहीम राबवण्यात आली. यामध्ये १६३ गुन्ह्यांमध्ये जप्त केलेला १,०५६ किलो वजनाचा हेरॉईन, चरस, गांजा, कोकेन, एमडीसह विविध प्रकारचा अमली पदार्थ तसेच २६,९३५ बॉटल्स (२,६९३ लिटर) कोडीनयुक्त कफ सिरपचा साठा नष्ट करण्यात आला. हा सर्व मुद्देमाल नवी मुंबईतील तळोजा एमआयडीसी येथील मुंबई वेस्ट मॅनेजमेंट कंपनीत शासकीय पंच आणि रासायनिक विश्लेषक यांच्या उपस्थितीत नियमानुसार नष्ट करण्यात आला.