भाऊ रागवल्याने तरुणाने २० मजल्यावरून उडी घेत केली आत्महत्या

२०व्या मजल्यावरून उडी घेत तरुणाची आत्महत्या
सकाळ वृत्तसेवा
ठाणे, ता. ३ ः ठाण्यातील चंदनवाडी परिसरात गुरुवारी (ता. २) रात्री सतीश यादव (वय २५) या तरुणाने मोठा भाऊ रागावल्यामुळे टोकाचे पाऊल उचलले. दारू पिऊन आल्याने त्याचा मोठा भाऊ त्याला ओरडला होता, त्यानंतर सतीशने त्याची बहीण राहत असलेल्या श्री जगन्नाथ एसआरए कॉम्प्लेक्सच्या २०व्या मजल्यावरून उडी मारून आत्महत्या केली.
सतीश चंदनवाडी परिसरात राहत होता आणि फर्निचरच्या दुकानात कामाला होता. या घटनेत त्याचा मृत्यू झाला असून, नौपाडा पोलिसांनी याप्रकरणी आकस्मिक मृत्यूची नोंद केली आहे व पुढील तपास सुरू आहे.