“पालघर नगरपरिषदे तर्फे स्वच्छता ही सेवा पंधरवाडा निमित्त स्वच्छता की भागीदारी अंतर्गत सामूहिक स्वच्छता अभियान”

पालघर नगरपरिषदेतर्फे सामूहिक स्वच्छता अभियान
पालघर, ता. ४ (बातमीदार) ः पालघर नगरपरिषदेमार्फत गुरुवारी (ता. २) स्वच्छता ही सेवा पंधरवाडा उपक्रमांतर्गत स्वच्छता अभियान राबविण्यात आले. नगरपरिषदेचे मुख्याधिकारी प्रशांत जाधव यांच्या मार्गदर्शनाखाली डॉ.बाबासाहेब आंबेडकर चौकापासून स्वच्छता मोहिमेचे आयोजन केले होते. या मोहिमेत ज्येष्ठ नागरिक संघ समन्वय समिती यांनी उत्स्फूर्त सहभाग घेतला.
शहरातील नागरिक व युवकांनी ज्येष्ठ नागरिकांचा आदर्श ठेवून स्वच्छतेबाबत जागरूक रहावे. ओला-सुका कचरा वेगवेगळा द्यावा, कचरा इतरत्र टाकू नये आणि इतरांना टाकू देऊ नये. आपला परिसर तथा शहर स्वच्छ ठेवण्यास योगदान द्यावे, असे आवाहन करण्यात आले. या मोहिमेत नगरपरिषदेचे स्वच्छता निरीक्षक भूषण काबाडी, किरण सावर, कल्पेश चाबके, निलेश आगळे आणि मुकादम व स्वच्छता कर्मचारी उपस्थित होते.