वसीम सावरटकर यांचा सत्कार

वसीम सावरटकर यांचा सत्कार
रोहा (बातमीदार)ः कोलाड येथे शिक्षण क्षेत्रात विशेष कामगिरी करणाऱ्या शिक्षकांचा सन्मान करण्यात आला. या अनुषंगाने रोहा नगरपालिकेच्या अष्टमी उर्दू शाळेतील शिक्षक वसीम सावरटकर यांना महिला व बालविकास मंत्री आदिती तटकरे यांच्या हस्ते आदर्श शिक्षक म्हणून गौरवण्यात आले.
अष्टमी उर्दू शाळेत महाराष्ट्र राज्य आदर्श शिक्षक समितीच्या वतीने झालेल्या कार्यक्रमात मुस्लिम समाज अध्यक्ष शफी पानसरे, शाळा व्यवस्थापन समिती अध्यक्ष अजीम नाडकर, समाज उपाध्यक्ष मुबीन दळवी,डायमंड कमिटी अध्यक्ष समीर दर्जी,खजिनदार मुनवर पठाण, समाजाचे खजिनदार अफसर करजिकर, सचिव राहील नागोठकर, सहसचिव रशीद डबीर, कमिटी सदस्य इरफान दर्जी, मराठी शाळा मुख्याधिपीका नम्रता पानसरे, माजी नगरसेवक जैनुद्दीन लांबते, फलाए तंजीम सचिव इम्तियाज दर्जी, माजी उपाध्यक्ष मुशीर दर्जी,मन्सूर कचकोल, मुखत्यार फौजे उपस्थित होते. या वेळी हा पुरस्कार माझा नव्हे तर संपूर्ण ग्रामस्थांचा असल्याचे वसीम सावरटकर यांनी सांगितले.