बंद घरातील एेवज चोरीला

बंद घरातील ऐवज चोरीला
पनवेल, ता. ८ (वार्ताहर) ः कळंबोली सेक्टर १४ मधील एका डॉक्टरच्या बंद घरातील १४ लाख ७५ हजारांचा ऐवज चोरांनी लंपास केला आहे. याप्रकरणी कळंबोली पोलिस ठाण्यात गुन्हा दाखल आहे.
डॉ. गुरूनाथ नरशेट्टी (६४) कुटुंबासह शुक्रवारी (ता. ३) बाहेरगावी गेले होते. त्या वेळी त्यांच्या घरातील लोखंडी कपाटातील लॉकर उघडून सोन्याच्या बांगड्या, मंगळसूत्र, लॉकेट, मोठे आणि कानातील रिंग अशा दागिन्यांसह १४.७५ लाखांचा ऐवज चोरला. डॉ. नरशेट्टी मंगळवारी रात्री घरी परतल्यानंतर त्यांना चोरी झाल्याचे निदर्शनास आले. त्यानंतर कळंबोली पोलिस ठाण्यात याप्रकरणी तक्रार दाखल करण्यात आली.