आक्षेपार्य चित्रणामुळे दोघांवर गुन्हा

आक्षेपार्ह चित्रणामुळे दोघांवर गुन्हा
पनवेल, ता. ९ (वार्ताहर) ः सर्वोच्च न्यायालयाचे सरन्यायाधीश भूषण गवईंवर बूट फेकल्याच्या प्रसंगाचे एआयच्या वापरातून अपमानास्पद व्हिडिओ तयार करण्यात आला होता. याप्रकरणी पनवेल तालुका पोलिस ठाण्यात गुन्हा दाखल करण्यात आला आहे.
सर्वोच्च न्यायालयातील सुनावणीदरम्यान दिल्लीतील वकील राकेश किशोरने सरन्यायाधीश भूषण गवई यांच्यावर बूट फेकून मारण्याचा प्रयत्न केला. सुरक्षा रक्षकांनी हस्तक्षेप केल्याने हा प्रयत्न फसला होता. याच पार्श्वभूमीवर किक्की सिंगने सहकाऱ्यांसोबत एआयच्या माध्यमातून केलेला व्हिडिओ समाजमाध्यमावर प्रसारित केला होता. पनवेल शहर पोलिस ठाण्यात याप्रकरणी पनवेलमधील ॲड. अमित कटारनवरे यांनी तक्रार दाखल केली होती.
तसेच व्हिडिओच्या माध्यमातून समाजात जातीय तणाव निर्माण करण्याचा प्रयत्न केल्याचे नमूद केले आहे.