अनधिकृत पोस्टर, फलक, बॅनरवर कारवाई
अनधिकृत पोस्टर, फलक, बॅनरवर कारवाई
कल्याण, ता. ११ (वार्ताहर): नवरात्री उत्सवानिमित्त विविध सामाजिक, राजकीय, सांस्कृतिक व धार्मिक मंडळांकडून शहरातील सार्वजनिक ठिकाणी, चौकांमध्ये, शासकीय इमारती तसेच रस्त्यांच्या कडेला लावलेले अनधिकृत जाहिरात पोस्टर, फलक, होर्डिंग्ज, फ्लेक्स, बॅनर्स, झेंडे इत्यादी साहित्य कल्याण-डोंबिवली महापालिकेने हटवले आहे.
मुंबई उच्च न्यायालयाने जनहित याचिका क्रमांक १५५/२०११ मध्ये दिलेल्या आदेशानुसार, उत्सवानिमित्त लावलेले हे सर्व जाहिरात साहित्य उत्सव संपल्यानंतर तत्काळ काढून टाकणे बंधनकारक आहे. या आदेशाची अंमलबजावणी करण्यासाठी कल्याण-डोंबिवली महापालिकेच्या अतिक्रमण विभागाने शहरातील विविध भागांत व्यापक कारवाई केली. या कारवाईत एकूण ३,५०१ अनधिकृत जाहिरात साहित्य हटवण्यात आले, ज्यात पोस्टर/फलक (७७३), बॅनर (२३९०), झेंडे (३०३), आणि कमानी (३५) यांचा समावेश आहे.
नागरिकांच्या सहकार्याने शहराचे सौंदर्य राखण्यासाठी ही कारवाई करण्यात आली असून, पुढील काळातही असे अनधिकृत पोस्टर, बॅनर व जाहिराती लावणाऱ्यांवर मालमत्ता विद्रुपीकरण प्रतिबंधक कायद्यांतर्गत कठोर कारवाई करण्यात येईल, असा इशारा महापालिका प्रशासनाने दिला आहे. महापालिकेतर्फे उपायुक्त समीर भूमकर यांनी सर्व सामाजिक, राजकीय, सांस्कृतिक व धार्मिक मंडळांना आवाहन केले आहे की, त्यांनी उत्सव संपल्यानंतर आपल्या जबाबदारीवर सर्व जाहिराती आणि बॅनर्स काढून टाकावेत, जेणेकरून शहराचे स्वच्छ व आकर्षक रूप कायम राहील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.