दादा, भाऊ निवडणुकीच्या मैदानात

दादा, भाऊ निवडणुकीच्या मैदानात
आरक्षण जाहीर झाल्यानंतर इच्छुकांचे शक्तिप्रदर्शन
पनवेल, ता. १८ (बातमीदार) ः जिल्हा परिषद, पंचायत समिती निवडणुकांसाठीची प्रतीक्षा संपली आहे. गट, गण यांचे आरक्षण निघाल्यानंतर भाऊ, दादा निवडणुकीच्या रिंगणात उतरण्यासाठी सज्ज झाले आहेत.
पनवेल तालुक्यात १६ गण, आठ गटांसाठी निवडणुका होणार आहेत. आरक्षण निघाल्यानंतर इच्छुकांकडून शक्तिप्रदर्शन केले जात आहे. महिलांसाठी आरक्षण निघल्यामुळे पक्षाकडून पत्नीला उमेदवारी मिळवण्यासाठी धडपड सुरू झाली आहे. पूर्वी उमेदवारीसाठी वरिष्ठांकडे फेऱ्या माराव्या लागत होत्या. आता समाजमाध्यमांवर ग्रुप तयार केले जात आहेत. भाजपमध्ये उमेदवारीसाठी सर्वाधिक रस्सीखेच दिसून येत आहे. तर शिवसेनेकडून काही गट दिग्गजांसाठी जाहीर असल्याने पाठिंबा देण्यातच कार्यकर्ते धन्यता मानत आहेत. त्यामुळे निवडणुकांमुळे राजकीय वातावरण तापलेले आहे.
----------------------------
चहा-पाण्याचा खर्च वाढला
गट, गणात उमेदवारीसाठी कार्यकत्यांना खूश ठेवण्याचा प्रयत्न सुरू आहे. तिकिटासाठी या माध्यमातून दबाब टाकण्याचा प्रयत्न सुरू आहे. तर तालुका, जिल्ह्यातील वरिष्ठ नेत्यांभोवती घिरट्या सुरू झाल्या आहेत. त्यामुळे सकाळ, दुपार, संध्याकाळचा चहापाण्याचा खर्च वाढला आहे.