दिवाळी संपेपर्यंत दोनदा साफसफाई करा!

दिवाळी संपेपर्यंत दोनदा साफसफाई करा!
धारावीतील ज्येष्ठ नागरिकांची मागणी
धारावी, ता. १८ (बातमीदार) : दिवाळीनिमित्त मुंबईतील रस्ते, पायवाटा, गल्लीबोळ, सार्वजनिक उद्याने, पदपथ व अंतर्गत रस्ते स्वच्छ करण्याच्या सूचना व आदेश नुकतेच महापालिकेने दिले आहेत. त्‍यानुसार अधिकारी, कामगारांनी नियोजन केले आहे.
फेस कॉम संलग्न धारावीतील हॅपिनेस ज्येष्ठ नागरिक संघ आणि झेंडा ग्रुप यांच्यावतीने ज्येष्ठांच्या सह्यांचे एक निवेदन सहाय्यक आयुक्त, मुख्य पर्यवेक्षक घनकचरा जी उत्तर विभाग तसेच उपायुक्त, परिमंडळ -२ यांना देण्यात आले आहे. धारावीतील संत कक्कया मार्ग, एम. पी. नगर ढोरवाडाअंतर्गत रस्ते, एन. शिवराज उद्यान, खुली मैदाने, गल्लीबोळ रस्त्यावरील खाचखळगे तसेच जागोजागी पडलेला राडारोडा याची दिवाळी संपेपर्यंत नियमितपणे दोन वेळा साफसफाई करावी, अशी मागणी ज्‍येष्‍ठ नागरिकांनी केली आहे.