मुलुंड सेवा संघातर्फे संगीतमय दिवाळी पहाटचे आयोजन

मुलुंड सेवा संघातर्फे संगीतमय दिवाळी पहाटचे आयोजन
मुलुंड, ता. १९ (बातमीदार) ः मुलुंड पश्चिमेतील कालिदास नाट्यमंदिर येथे संगीतमय दिवाळी पहाटचे आयोजन सोमवारी (ता. २०) सकाळी ६.३० वाजता करण्यात आले आहे. मुलुंड सेवा संघाचे अध्यक्ष आणि माजी नगरसेवक प्रकाश गंगाधरे यांच्या मार्गदर्शनाखाली हा कार्यक्रम पार पडणार आहे. ‘धुंद’ निर्मित मराठी वाद्यवृंद ‘स्वरतरंग’ सादर केला जाणार आहे. याचे निवेदन अनघा मोडक करणार असून, सुशांत बर्वे निमंत्रक म्हणून काम पाहणार आहेत. संगीत संयोजन अंकुश हाडवळे करणार असून, गायक अदिती प्रभादेसाई, वृषाली घाणेकर, निखिल नेवाळकर, विकी अडसुळे आदी जण प्रेक्षकांचे मनोरंजन करणार आहेत. हा दिवाळी पहाट कार्यक्रम पूर्णपणे मोफत असून, पासेससाठी सेवा संघाच्‍या मुलुंड पूर्वेतील कार्यालयाशी संपर्क साधावा, असे आवाहन आयोजकांनी केले आहे.