मुंब्रा पोलिसांनी दिली भाऊबीजच्याच दिवशी मुंब्राकरांना खास भेट

मुंब्रा पोलिसांकडून भाऊबीजेची भेट
सकाळ वृत्तसेवा
ठाणे, ता. २६ ः मुंब्रा आणि आजूबाजूच्या परिसरातून हरविलेले तब्बल ४० मोबाईल फोन मूळ मालकांना परत केले आहेत. हे फोन परत देत मुंब्रा पोलिसांनी मुंब्राकरांची भाऊबीज खास केली. त्या परत केलेल्या मोबाईलची किंमत आठ लाख २७ हजार २०० रुपये इतकी असल्याची माहिती पोलिसांनी दिली.
मुंब्रा पोलिस ठाण्याचे वरिष्ठ पोलिस निरीक्षक अनिल शिंदे यांच्या मार्गदर्शनाखाली पोलिस शिपाई सागर महांगडे आणि महेश जाधव माळी यांनी विशेष परिश्रम घेत सीईआयआर पोर्टलच्या मदतीने मोबाईल ट्रेस करून नागरिकांना त्यांचे हरवलेले मोबाईल सुपूर्द करण्यात आले. हा कार्यक्रम सहाय्यक पोलिस आयुक्त प्रिया डमाळे यांच्या मार्गदर्शनाखाली मुंब्रा पोलिस ठाण्यात आयोजित करण्यात आला. यासोबतच मोबाईल हरवल्यास तत्काळ सीईआयआर या संकेतस्थळावर तक्रार करण्याचे आवाहन मुंब्रा पोलिसांनी केले आहे.