भारतीय तैलिक साहू राठौर महासभेच्या मुंबई अध्यक्षपदी रवी गुप्ता यांची निवड

भारतीय तैलिक साहू राठौर महासभेच्या मुंबई अध्यक्षपदी रवी गुप्ता यांची निवड
सकाळ वृत्तसेवा
मुंबई, ता. २७ : भारतीय तैलिक साहू राठौर महासभेच्या मुंबई अध्यक्षपदी रवी गुप्ता यांची नियुक्ती करण्यात आली आहे. भारतीय तैलिक साहू राठौर महासभा (दिल्ली)चे राष्ट्रीय अध्यक्ष डॉ. उमेश नंदलाल साहू आणि राष्ट्रीय संस्थापक अध्यक्ष व माजी खासदार रामनारायण साहू (बाबूजी) यांच्या सूचनेनुसार ही नियुक्ती जाहीर करण्यात आली.
मुंबईतील त्यांच्या सातत्यपूर्ण सामाजिक कार्याचा गौरव म्हणून त्यांची या पदावर निवड करण्यात आली आहे. रवी गुप्ता यांच्या निवडीनंतर महासभेच्या कार्यकर्त्यांमध्ये आणि पदाधिकाऱ्यांमध्ये उत्साहाचे वातावरण निर्माण झाले आहे. महासभेच्या राष्ट्रीय कार्यकारिणीत महाराष्ट्र प्रदेश अध्यक्ष रतीलाल गुप्ता, राष्ट्रीय मुख्य महासचिव सुनील साहू, राष्ट्रीय कार्यकारी अध्यक्ष अरविंद गांधी, राष्ट्रीय महासचिव सतीश गांधी, राष्ट्रीय उपाध्यक्ष व माजी नगर पंचायत चेअरमन (सुरियावा-भदोही) नंदलाल गुप्ता तसेच राष्ट्रीय कार्यकारिणी समिती सदस्य होरिल गुप्ता यांचा समावेश आहे.