नाल्यामध्ये आढळलेल्या अजगराची सुखरूप सुटका

सावरकरनगरमध्ये आढळला अजगर
सकाळ वृत्तसेवा
ठाणे, ता. २८ ः सावरकरनगर येथील नाल्यामध्ये सुमारे आठ फूट लांबीचा एक अजगर मंगळवारी (ता. २८) आढळून आला. या अजगराबाबतची माहिती ठाणे महापालिका आपत्ती व्यवस्थापन कक्षाला प्रथमेश नामक तरुणाने माहिती दिली. माहिती मिळताच तातडीने पालिका अग्निशमन दलाचे जवान आणि आपत्ती व्यवस्थापन कक्षाचे कर्मचारी वाइल्ड वेल्फेअर असोसिएशनच्या कोकणीपाडा येथील कर्मचाऱ्यांसह घटनास्थळी दाखल झाले आणि अजगराला सुखरूप नैसर्गिक आधिवासात सोडण्यात आले.