जयप्रकाश नगरातील दुकानांची पाहणी

जयप्रकाश नगरातील दुकानांची पाहणी
घाटकोपर, ता. २८ (बातमीदार) ः घाटकोपर, राजावाडी, जयप्रकाश नगर परिसरातील १७ दुकानदारांना महापालिकेच्या इमारतीतील मार्केटमधील गाळे मिळावेत, या मागणीसाठी माजी मंत्री आणि माजी आमदार प्रकाश मेहता यांनी पुढाकार घेत महापालिका आयुक्तांची भेट घेतली होती. या पाठपुराव्यानंतर पालिकेच्या मार्केट विभागाचे अधिकारी जयप्रकाश नगर येथे प्रत्यक्ष पाहणीसाठी आले होते. अधिकाऱ्यांनी येथील परिस्‍थितीचा आढावा घेतला. स्थानिक दुकानदारांच्या दीर्घकाळच्या प्रतीक्षेला यामुळे सकारात्मक दिशा मिळण्याची शक्यता व्यक्त केली जात आहे.