कराटे स्पर्धेत वैदेहीला सुवर्णपदक

कराटे स्पर्धेत वैदेहीला सुवर्णपदक
अलिबाग (वार्ताहर) ः अलिबाग येथे झालेल्या जिल्हास्तरीय क्रीडा स्पर्धेमध्ये रयत शिक्षण संस्थेचे कर्मवीर भाऊराव पाटील पिरकोन विद्यालयातील वैदेही घरतने उत्कृष्ट कामगिरी करत सुवर्णपदक पटकावले.
जिल्हास्तरीय क्रीडा स्पर्धेत १५ तालुक्यांमधून कराटेपटूंनी सहभाग घेतला होता. वैदेही घरतने १७ वर्षे वयोगट आणि ५० ते ६० वजनीगटात सहभाग घेतला होता. सुरुवातीच्या फेऱ्यापासून वैदेहीने प्रत्येक सामन्यात प्रतिस्पर्धकावर वर्चस्व राखले. शेवटच्या क्षणापर्यंत उत्सुकता टिकून असलेल्या लढतीत वैदेहीने विजय मिळवून सुवर्णपदक पटकावले. या यशाबद्दल स्कूल कमिटीचे चेअरमन जीवन गावंड, दहागाव माजी विद्यार्थी संघाचे अध्यक्ष कृष्णा पाटील रयत शिक्षण संस्थेचे रायगड विभागाचे विभागीय अधिकारी एम. के. कोंगेरे यांनी अभिनंदन केले.