२६५ वाहनांना ६२ हजारांचा दंड
वाशी वाहतूक विभागाची विशेष मोहीम
नवी मुंबई, ता. २९ (वार्ताहर) ः वाशी परिसरात बसथांब्यावरील वाहनांचे अतिक्रमण, पदपथांवर वाहने उभी करणे, हेल्मेट न वापरणे, विरुद्ध दिशेने वाहन चालवणे अशा विविध नियमभंग करणाऱ्या एकूण २६५ वाहनचालकांवर दंडात्मक कारवाई करण्यात आली. वाशी वाहतूक विभागाने बुधवारी विशेष मोहीम राबवत ही कारवाई केली.
वाहतूक नियमांचे उल्लंघन करणाऱ्या वाहनचालकांकडून ६२ हजारांचा दंड वसूल करण्यात आल्याची माहिती वरिष्ठ पोलिस निरीक्षक सुनील कदम यांनी दिली. नागरिकांच्या सुरक्षिततेसाठी वाहतूक नियमांचे पालन करणे आवश्यक आहे. नियम मोडणाऱ्यांवर या पुढील काळातही अशाचप्रकारे कठोर कारवाई सुरू राहील, असा इशाराही त्यांनी दिला. तसेच वाहतुकीची शिस्त राखण्यासाठी सर्वांनी सहकार्य करावे, अपघातमुक्त शहरासाठी नियमांचा आदर करावा, असे आवाहन वाशी वाहतूक शाखेमार्फत करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.