धमकी प्रकरणात पोलिसांकडे तक्रार

धमकी प्रकरणात पोलिसांकडे तक्रार
श्रीवर्धन (वार्ताहर) ः दक्षिण काशी हरिहरेश्वर येथे एका हॉटेल व्यावसायिकांनी समोरच्या व्यक्तीला जीवे मारण्याची धमकी दिल्याप्रकरणी श्रीवर्धन पोलिस ठाण्यात तक्रार नोंदवण्यात आली आहे. हरिहरेश्वर येथे देवदर्शनासाठी पर्यटक येतात. सद्यःस्थितीत मंदिराकडे जाणाऱ्या रस्त्यावर हॉटेल मालकाने गेट बसवल्यामुळे भाविकांना गाडी वळवण्यास शक्य होत नाही. त्यामुळे वाहतूक कोंडी होऊ नये, याकरिता नंदनवन हॉटेल येथे पोलिस प्रशासनाने रस्त्यावर बॅरिकेड्स उभे केले होते. या वेळी सिद्धेश पोवार यांनी बॅरिकेड्सबाबत विचारले असता, मालकाजवळ बोला, असे सांगितले. यावरून झालेल्या वादातून अदखलपात्र गुन्ह्याची नोंद करण्यात आली आहे.