रक्‍तदान शिबिराला प्रतिसाद

रक्‍तदान शिबिराला प्रतिसाद
घाटकोपर, ता. २ (बातमीदार) : सध्या रक्ताचा तुटवडा जाणवत असल्‍याने टायगर ग्रुप मुंबई प्रदेशच्या वतीने सामाजिक आणि प्रेरणादायी उपक्रम राबविण्यात आला आहे. टायगर ग्रुपचे राष्ट्रीय अध्यक्ष डॉ. तानाजी भाऊ जाधव यांच्या वाढदिवसानिमित्त असल्फा येथील नालियावाला भानुशाली हॉल येथे भव्य रक्तदान शिबिराचे आयोजन केले होते. या शिबिराचे आयोजन टायगर ग्रुप मुंबई अध्यक्ष संजय भाऊ खंडागळे, समाजसेविका छायाताई खंडागळे यांच्या मार्गदर्शनाखाली करण्यात आले. घाटकोपर तालुका अध्यक्ष राहुल पवार, चांदिवली तालुका अध्यक्ष प्रशांत शर्मा यांच्या पुढाकाराने संपूर्ण कार्यक्रम यशस्वीपणे पार पडला. शिबिरात शंभरहून अधिक रक्तदात्यांनी उत्स्फूर्त सहभाग नोंदवला.